మీ మంచితనం మిమ్మలను గొప్పవారిని చేస్తుంది 

అడ్డంకులు ,

అతిశయాలు, 

అనుమానాలు, 

అహంకారాలు 

....................., 

వీటన్నిటిని దాటి 

"మనిషి మనిషితో మాట్లాడుకోవడం 

నేటి సమాజంలో సాద్యం కావడం లేదు"

"నువ్వు మాట్లాడుతున్నది ఒకటి 

మనసులో దాచిన నిజం ఇంక్కొకటి "

దేనికొరకు నవ్వుతున్నావో - విషాదం వ్యక్తం చేసేది ఇంకెందుకో... 

"సత్యం వెనుక ఏది వుందో?!

అసత్యం వెనుక ఇంకేది దాచావో?!" 

ఏ మాట వెనుక ఏ స్వార్ధం  వుందో !

నీ వాదం(Argument) వెనుక ఏ 'మానసిక జాడ్యం' దాగి వుందో 

నీకే తెలీకుండా ఏ మానసిక బలహీనత నీ వ్యక్తిత్వాన్ని నడిపిస్తోందో?!

మరీ ముఖ్యంగా----

ఆ రోజు ఆ పూట నీ 'అవసరం' కోసం ఏ మాట మాట్లాడుతున్నావో?

తిన్నావా? అవసరానికి సరిపడా డబ్బు ఉందా?

నీ ఆశయం, లక్ష్యం, నువ్వు నడుస్తున్న జీవితం, వేస్తున్న అడుగులు ... 

...... నిన్నటి రోజు "నీ చిరునవ్వు వెలిగిందా?"

ఇంకేం పర్లేదు జీవితం 'బిందాస్' అని రాత్రి నిద్ర పోయేటప్పుడు   

నీతో నీవు హాయిగా అనుకోగల్గుతున్నావా?

నీ ఆదర్శం ఏ చేనేత శ్రామికుడి కష్టాన్ని--

నీ ఆదర్శం, నీ ఉపవాసం, ఏ రైతు కన్నీటినైనా..... 

.......ఆదుకుంది....అనే నమ్మకం, సంతృప్తి నీకు ఉన్నాయా?

(నీ ఊపిరి ఈ సమాజానికి ఉపయోగ పడుతోందా?....Are you Questioning your Accomplishments?)

కనీసం నీతో నీవు నిజాయితీగా వుండగల్గుతున్నావా ?

లేదా నిన్ను నీవే మోసం చేసుకుంటున్నావా?

నీ కుటుంబం, నీ పిల్లలు నిన్ను ప్రేమిస్తున్నారా?

ఇప్పటి వరకు నీవు సాధించిన విజయాలు నిన్ను సంతృప్తి పరిచాయా/

ఇక పైజీవితం పై  నీ నమ్మకం ఎంత?

లేదా -----

ఒక మంచి మార్పుతో -

నిజాయితితో -

కొత్త అభ్యాసాన్ని నేటి నుంచైనా ప్రారంభిస్తావా?

ఒక మంచి సంస్కారం వైపుకు ,

ఔన్నత్యం, ధర్మం వైపుకు--,

లాలిత్యం వైపుకు, నీతి  వైపుకు,
దయ, కరుణ, దాతృత్వం వైపుకు, 

మరీ ముఖ్యంగా -- "సహనం" వైపుకు ,
శ్రమైక జీవన సౌందర్యం వైపుకు....... 
 ప్రేమ వైపుకు, 

మానవీయ పరిమళం వైపుకు, ----

క్షమాగుణం వైపుకు,  "శాంతి" వైపుకు , 

"See the things from others Point of View" అనే దృక్కోణం వైపుకు, 

"వినడం నేర్చుకుందాం! మాట్లాడడానికి తొందరేముంది" అనే మంచి మాట వైపుకు, 

ద్వంద్వ ప్రమాణాలు (Double Standards),

కపటత్వం (Hypocrisy),

లేని విశాల దృక్పదం వైపుకు, శాస్త్రీయత వైపుకు, ---

అడుగులు వేయగాలవా? 

"అడ్డంకులు , అతిశయాలు, అనుమానాలు, అహంకారాలు....

తొలగించుకుని?" 

----------

వేసే ఆ అడుగులుతో 

కొత్త ప్రపంచ నిర్మాణం జరుగుతుంది

మరి నీ మొదటి అడుగు ఎప్పుడు వేస్తావు?

                        -----  శ్రీనివాస రాజు. పి 

                        ------  26-09-2013